लोधा स्प्लेंडोरा येथे 3R प्रकल्पाचा शुभारंभ – “स्वच्छ परिसर, हरित परिसर”चा संकल्प ठाणे, ५ ऑक्टोबर :

महात्मा गांधी जयंतीच्या निमित्ताने देवदूत फाउंडेशन, रोटरी क्लब ऑफ ठाणे एसेस आणि ठाणे महानगरपालिका (TMC) यांच्या संयुक्त विद्यमाने *3R प्रोजेक्ट* (Reduce, Reuse, Recycle) चा शुभारंभ लोधा स्प्लेंडोरा, ठाणे येथे मोठ्या उत्साहात पार पडला. या कार्यक्रमाला *रोटरी क्लब ऑफ ठाणे एसेसच्या अध्यक्षा सौ. चंदनी मारवा*, लोधा स्प्लेंडोरा रिव्हरव्ह्यू सोसायटीचे चेअरमन *श्री. मनिष अवस्थी*, देवदूत फाउंडेशनचे चेअरमन *श्री. संजय कापरे*, संस्थेचे संस्थापक सदस्य *श्रीमती संजना कापरे* व *श्री. नीलकंठ गोस्वामी*, तसेच ठाणे महानगरपालिकेचे *स्वच्छता निरीक्षक श्री. मोहन कांबळे* यांनी या उपक्रमासाठी दिलेले मार्गदर्शन अत्यंत उपयुक्त ठरले. त्यांच्या मार्गदर्शनाखाली हा प्रकल्प समाजातील सहभागाने यशस्वीपणे राबविण्यात आला. या उपक्रमांतर्गत जुने कपडे, पुस्तके, वही, ई-वेस्ट, प्लास्टिक आणि कागद गोळा करण्यासाठी बिन्स *गरजू रॅगपिकर कुटुंबांना वितरित* करण्यात आले. या प्रकल्पाचा उद्देश समाजातील नागरिकांना कचऱ्याचे वर्गीकरण, पुनर्वापर आणि पर्यावरण संवर्धन याबाबत जागरूक करणे हा आहे. कार्यक्रमाच्या शेवटी उपस्थितांनी *“स्वच्छ परिसर – हरित परिसर”* हा घोषवाक्य देत स्वच्छतेचा संकल्प केला.

SOCIAL SERVICERAGPICKERS WELFARE